دافع الفنان حسام حبيب عن شرين عبد الوهاب، بعد ان طالها انتقاد حاد من شقيق الفنان الراحل محمد رحيم، عقب تصريحاتها الأخيرة في الحفل الذي أقيم في الكويت.
وكتب حسام حبيب منشورًا عبر حسابه الشخصي بموقع إنستجرام، قال فيه: بجد هو في كده أخ خلال موت أخوه وزي ما هو قال دمه ما بردش بيقولك إحنا من عادتنا في الظروف دي ما نتفرجش على حاجة، وهو داير على كل البرامج حاجة غریبة، وسایب كل ده وماسك في زلة لسان ومسمعش وماخدش باله أنها كرمته وافتخرت بشغله معاها، وطلبت من آلاف الناس الحضور وملايين المشاهدين بقراءة الفاتحة والدعاء له.
وأضاف حسام حبيب: كلنا عملنا كده علشان هي فكرتنا يا راجل ده أنت ما عملتهاش وماسك في غلطة مش مقصودة واعتذرت عنها في وقتها هو فيه كده، بس عاوز اسألك سؤال هو حضرتك طلعت في كام برنامج وكام مداخلة من ساعة الوفاة، وهل كانت مدفوعة الأجر ولا بدون وآخر طلب ممكن نشوف شهادة الدكتوراه ولو حضرتك مش عاوز تجاوب أنت أكيد حر وفي حالة عدم الجواب أكيد الكل هيفهم.
