في ظل موجة الانتقادات الساخنة التي تطال المطرب الشعبي حسن شاكوش بسبب تراجع أدائه الصوتي، خرج صديقه المقرب ومطرب المهرجانات حمو بيكا عن صمته مدافعًا بشدة عن شاكوش، وموجهًا رسالة حاسمة للجمهور عبر حسابه الرسمي على “فيسبوك”.
نشر بيكا مقطع فيديو لشاكوش أثناء الغناء، وعلّق قائلاً:
“من فضلكم لازم تسمعوا… ولا للتنمر! اللي بيهزر وبيتريق على حسن شاكوش عشان صوته تعبان، أحب أقولكم: الرجولة مش بس صوت، الرجولة مواقف وصمود وشغل وتعب وشقى عشان يوصل!”
وأضاف بيكا مؤكدًا على قوة شاكوش النفسية رغم المصاعب:
“حسن شاكوش أخويا وصاحبي وعِشرة سنين، راجل شاف كتير ولسه واقف على رجليه… بيغني وهو تعبان، وبيعافر وهو مجهد… وده مش ضعف، ده قوة قلب ومعدن أصيل!”
وتابع في رسالته العاطفية:
“المطرب الحقيقي مش اللي صوته حلو وهو مرتاح… المطرب الحقيقي هو اللي بيغني من قلبه حتى لو صوته مجهد، وبيفرّح الناس حتى لو هو موجوع!”
وختم بيكا برسالة دعم حاسمة: “أنا واقف معاك يا شاكوش لآخر نفس، وكلنا عارفين إنك راجع أقوى… وده وعد من حمو بيكا قدام الدنيا كلها!”
وكانت منصات التواصل الاجتماعي قد شهدت مؤخرًا تداول مقاطع لحسن شاكوش من إحدى حفلات الزفاف، وهو يؤدي أغنيته “أنا لسه ثابت متهزتش” بصوت بدت عليه علامات الإجهاد والتمزق، مما عرّضه لموجة سخرية واسعة من بعض المتابعين، وسط تساؤلات عن الأسباب الصحية أو الفنية الكامنة وراء هذا التراجع المفاجئ في أدائه.
وفي الوقت الذي واصل فيه البعض الانتقاد، اختار حمو بيكا الوقوف إلى جانب صديقه، مدافعًا عنه ومؤكدًا أن ما يمر به شاكوش “مرحلة مؤقتة لا تمس جوهر موهبته”.
