أعربت الفنانة وفاء عامر عن حزنها الشديد لوفاة لاعب كرة القدم الراحل إبراهيم شيكا، مشيرة إلى أنها ترددت في الحديث عن الأمر احترامًا لحرمة الموت، لكنها شعرت بالمسؤولية الإنسانية لتسليط الضوء على ما وصفته بـ”التجاهل الذي عانى منه شيكا في أيامه الأخيرة”.
قالت عامر: “ربنا يحسن خاتمتنا جميعًا، شيكا مات على الشهادة، وكان زي الفل، لكن وجعني جدًا اللي شفته من تجاهل ليه وهو بيموت”.
وأضافت أن اللاعب الراحل لم يكن يفتقر فقط إلى الدعم المالي، بل كان بحاجة إلى الدعم المعنوي الذي اعتبرته الأهم:
“المرض ده صعب ومكلف، لكن الأوجع إنك تحس إنك لوحدك، وده اللي حصل مع شيكا للأسف”.
وأشارت إلى أن الأسرة كانت بسيطة من حيث الإمكانات، وكانت زوجته تواجه ظروفًا معيشية صعبة، مضيفةً أن هناك عددًا من زملائه، خاصة من اللاعبين المعروفين، قاموا بـحظره على مواقع التواصل الاجتماعي:
“زمايله عملوله بلوكات، شفت ده بعيني، يمكن عشان ما يشوفوش صوره أو ما يواجهوش حزنه، بس ده تصرف قاسي جدًا”.
وأكدت وفاء عامر أنها لا تسعى لاتهام أحد، لكنها تساءلت عن غياب الدعم في وقت الحاجة:
“ممكن كانوا مش قادرين يواجهوا فكرة مرضه، بس ده ما يمنعش إن صاحبك محتاجك، محتاج حضن مش مجرد لايك بعد ما يموت”.
واختتمت حديثها برسالة مؤثرة:
“أنا مش مصدقة إن حد يعمل بلوك لحد صاحبه وهو بيموت… دي أزمة جيل كامل، بنهرب من الألم ونتجاهل اللي بيتألم، لحد ما نمشي كلنا ونندم. إحنا مش دايمين، ولازم نفكر في الإنسانية قبل أي حاجة”.
